នៅព្រឹកថ្ងៃពុធ ៤កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២០ ខែឧសភា ឆ្នាំ ២០២៦ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម ប៊ូ ថារិន អគ្គនាយកនៃនិយ័តករគណនេយ្យនិងសវនកម្ម លោកស្រី វណ្ណា ពៅដានូ ប្រធានការិយាល័យសហប្រតិបត្តិការនៃនាយកដ្ឋានកិច្ចការទូទៅ និងមន្រ្តីជំនាញ បានអញ្ជើញចូលរួមក្នុងពិធីចុះអនុស្សរណៈនៃការយោគយល់គ្នារវាងនិយ័តករធានារ៉ាប់រងកម្ពុជា (ន.ធ.ក.) និងវិទ្យាស្ថានធានារ៉ាប់រងនិងហិរញ្ញវត្ថុនៃប្រទេសអូស្ត្រាលី និងណូវែលហ្សេឡង់ (ANZIIF) ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ប៊ូ ច័ន្ទភីរូ អគ្គនាយកនៃ ន.ធ.ក. និងលោក Mark Silveira អ្នកគ្រប់គ្រងទូទៅនៃ ANZIIF ដែលបានធ្វើឡើងនៅសាលប្រជុំធំ នៃទីស្តីការ អ.ស.ហ.។