នារសៀលថ្ងៃពុធ ៥ កើត ខែចេត្រ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២ ខែមេសា គ.ស.២០២៥ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម ប៊ូ ថារិន អគ្គនាយកនៃនិយ័តករគណនេយ្យ និងសវនកម្ម លោកស្រី នាន បូនី អគ្គនាយករងនៃ ន.គ.ស. អមដោយលោក លោកស្រី អនុប្រធាននាយកដ្ឋាន ប្រធាន អនុប្រធានការិយាល័យ នៃ ន.គ.ស. បានចូលរួមកិច្ចប្រជុំជាមួយ លោក សុខ កែវរស្មី អ្នកជំនាញការក្នុងស្រុក និង Dr. Satyaveer Signh អ្នកជំនាញការរបស់ធនាគារអភិវឌ្ឍន៍អាស៊ី (ADB) ទទួលបន្ទុករៀបចំក្របខណ្ឌតាមដាន ត្រួតពិនិត្យ និងវាយតម្លៃសមិទ្ធកម្មរបស់ អ.ស.ហ. នៅទីស្ដី កសហវ.។ កិច្ចប្រជុំនេះរៀបចំឡើងដើម្បីសិក្សា និងប្រមូលធាតុចូលក្នុងការរៀបចំឯកសារណែនាំស្តីពីការតាមដាន និងវាយតម្លៃសមិទ្ធកម្មរបស់ អ.ស.ហ. និងឯកសារស្តីពីការកំណត់ សូចនាករសមិទ្ធកម្មគន្លឹះ ដើម្បីវាស់វែងប្រសិទ្ធភាពនៃការអនុវត្ដ គោលនយោបាយ និងយុទ្ធសាស្ត្រនានារបស់ អ.ស.ហ.។ 
កិច្ចប្រជុំនេះបានប្រព្រឹត្តទៅដោយរលូន និងផ្លែផ្កាខ្ពស់។